రిపబ్లిక్ డే రోజు అంతా ఝెండా ఎగరేసే సందడిలో వుండగా, పిల్లలు పాటలతో పాఠశాల ఆవరణంతా సందడిగా వుంది. ఓహ్ అందరిలో ఒక్కసారిగా దేశ భక్తి పెల్లుబుకిపోయి తలా ఒక పది నిమిషాలు ప్రసంగించేసరికి పిల్లలకు అలుపొచ్చీసి ఎప్పుడు చాక్లెట్ లు పంచుతారా ఉడాయిద్దామా అని చూస్తుండగా ఆ వైపుగా భుజాన వంటచెరకు కావిడితో సవర గిరిజనుడు వస్తూ పాఠశాల బోరింగ్ దగ్గర ఆగి మొఖాన ఇన్ని నీళ్ళు చల్లుకొని, మరికొన్ని తాగి కాసేపు ఆయాసం తీర్చుకుందామని ఆగాడు.
ఇంతలో ఓ బడిపిల్లాడు తాతా ఇదిగో మన ఝెండా దోపుకో అని చిన్న పిన్నీసు వున్నది ఇచ్చాడు. ఆయన పైన ఏ ఆచ్చాదనా లేక ఎక్కడ పెట్టుకోవాలో తెలీక పారేస్తే ఏమనుకుంటారోనని తన గోచీకి తగిలించుకుని మరల కావిడి భుజానకెత్తుకొని సాగిపోయాడు..
62 వ గణతంత్ర దినోత్సవం జిందాబాద్..