అభినందనలు

సింగ్ ఈజ్ కింగ్…


Singh is King


అతిరథ మహారథులంతా ౦,1,2,3 లు తో తమ పాడ్ లు కట్టిన సమయమైనా క్రీజులో లేకుండా వెనుదిరిగి భారత అభిమానుల గుండెల్లో గుబులు పుట్టిస్తే సింగ్ ఈజ్ కింగ్ అని తన తొలి సెంచరీ తో భారత్ పరువు నిలబెట్టిన హర్భజన్ కు కృతజ్నతలు తెలుపకుండా ఎవరైనా వుండగలరా? మొదటి ఇన్నింగ్స్ లో తాను చేసిన 69 పరుగులే కెరీర్ బెస్ట్ అని అనుకున్నంతలో సెంచరీతో మోత మోగించాడు. భారత గడ్డపై తమ కుఱాల్ల స్పీడు చూసి పొంగిపోయిన కివీస్ కెప్టెన్ వెటోరీ ఆశలపై నీళ్ళు చల్లాడు. So, once again Singh is King..

హైదరాబాదీ స్టైలిష్ బ్యాటింగ్ వీరుడు వి.వి.ఎస్.లక్ష్మణ్ ఇన్నింగ్స్ కూడా అంతే విలువైనవి. కానీ లక్ కు ఎప్పుడూ దూరంగా వుండే మన వాడు సెంచరీ మిస్ అవ్వడం పాపం..

ఏదేమైనా ధోనీ అదృష్టవంతుడు….

ప్రకటనలు

రక్తచరిత్ర గురించి నాదో మాట…



నేనీ మధ్య కాలంలో ఉత్కంఠకు లోనై చూసిన సినిమా ఇదొక్కటే. ఎందుకంటే సినిమా తీస్తానని ప్రకటించిన నాటి నుంచి పబ్లిసిటీ మొదలైన సినిమాగాను, మరల రిలీజ్ కు ముందు నుండి అనేక విమర్శలు, బెదిరింపులెదుర్కొన్న దర్శకుడిగా వర్మపై ఎందుకో ప్రత్యేక అభిమానమేర్పడి తరువాత తెదెపా వాళ్ళు తాము చంపుకున్న ఎన్టీవోడిపై ఏదో తీస్సాడని, వాటిని తీయకపోతే వర్మను బూడిద చేస్తామన్న దగ్గరనుంచి చండాలుడుగా తిట్టించుకోవడంతో తప్పక కత్తిరింపుకు ముందే చూడాలని నిన్న చూసాను. దీనిపై రాయడం అవసరమా, మానేద్దాంలే అనుకుంటున్నా రోజూ ఎవరో ఒకరు రాయడం, పత్రికలలో రావడంతో నాలుగు ముక్కలు పంచుకుందామని ఇలా..

ముఖ్యంగా మీడియాలో టీ.వీ.9కు, ఏబీఎన్ వారి మధ్యనెలకొన్న పోటీమూలంగా వారు ప్రతిదాన్ని రచ్చ చేయడంతో అవసరానికి మించి ప్రచారం లభిస్తోంది. అలాగే పనిలేని వాళ్ళ చర్చలతో మనల్ని విసుగ్గొడుతున్నారు. తీరా వీరు సాధించేదేమీ లేకపోగా సినిమా వసూళ్ళు పెరిగి వర్మకు ఫలితం దక్కింది.

మనినిషిని మనిషిగా చూడకుండా దేవుళ్ళని చేసి నెత్తికెక్కించుకోవడం తెలుగుదేశాన ఎక్కువైంది. ఎన్టీవోడు బతికున్నప్పుడు పాలనాకాలంలో ఎన్ని చేసాడో అవన్నీ మరిచిపోయి చచ్చాక ఆ బూడిద రాసుకోవడానికి వీళ్ళు పడుతున్న పాట్లు చూస్తే నవ్వొస్తుంది. అధికారంలో వుండగా ఆయన వేసిన వేషాలు, తీవ్ర మానసిక నియంతృత్వంతో చూపిన అధికార దర్పం. పాదాభివందనాలు, నా దగ్గర ఏమీ లేదు బూడిద డైలాగులకు విసిగిన జనమే తనను అధికారం నుండి దించారు కదా? నక్సలైట్లే నిజమైన దేశభక్తులని ఎన్నికలలో మాటాడి అధికారం చేపట్టాక తీవ్ర నిర్బంధంతో బూటకపు ఎదురుకాల్పులు, విద్యార్థి యువజనులను మాయంచేయడం, కరెంటు ట్రాన్స్ ఫార్మర్ కి వేలాడదీయడం జరిపారు. ఇవన్నీ జనం మరిచిపోతారా? ఈ సినిమాలో వర్మ బ్యాక్ గ్రౌండ్ లో చెప్పిన మాటలు సత్యదూరం కావు, అలాగే ఆయన ఏమీ ఋషిపుంగవుడు కాదు. దీనిపై చంద్రబాబు, లక్ష్మీ పార్వతులు మాటాడకుండా వుంటే వాళ్ళ గౌరవం నిలబడేది. వాళ్ళు అది నిలుపుకోలేరన్నది రుజువయ్యింది.

ఇంక సినిమా గురించి పరిటాల రాములు కారెక్టర్ ఇంకొద్దిగా ఆయన చేసిన పనులను చూపితే బాగుండేది. అంత సమయం లేకపోయుండొచ్చు. రవి మారిన తీరును చాలా బాగా చూపగలిగాడు వర్మ. అంతకు మించి ఆ రాక్షస రాజ్యంలో ఎవరికైనా గత్యంతరం వుండదు. తద్వారా ప్రజలలో తనకు పెరిగిన ఇమేజిని రాజకీయాలలో చేరడంతో ఆయన తన పరిథిని విస్తరించుకోగలిగాడన్నది కూడా చక్కగా చూపాడు. హింసను హింసగా చూపడంతో కొంత భయానక దృశ్యాలు చోటుచేసుకున్నాయి. కానీ వాటికి మనం ఎప్పుడో మానసికంగా రాటుదేలిపోయాం. ఎందుకంటే భోజనం చేస్తూ టీవీలో చూపే క్రైం దృశ్యాలను ఆశ్వాదిస్తున్నాం, మరుగుదొడ్ల యాడ్ లను కూడా అతిమామూలుగా చూసే మన రెటీనాలు స్పందన తీగల కత్తిరింపుకేనాడో గురయ్యాయి. కావున అది కామన్ గా తీసుకున్నా.

పాటలుపై కొంత శ్రద్ధ తీసుకొని గోల లేకుండా వుంటే బాగుండేదింకా..

ఇలా రక్తచరిత్ర తీసి రాంగోపాల్ వర్మ తెలుగువాడి వాడిని చూపాడన్నది నా అభిప్రాయం..


పూల బుట్టెత్తిన చేతులలో నేడు CWG కాంస్య పతకం


మా విజీనగరం వస్తాదు


మట్టిలో మాణిక్యం మా వల్లూరి శ్రీనివాస రావు. చిన్నతనంలో తన సొంత వూరు విజయనగరం జిల్లా నెల్లిమర్ల మండలం లోని కొండ వేలగాడ గ్రామం నుండి ప్రతిదినం పులు అమ్ముకునేందుకు పట్టణానికి వస్తు మార్కెట్ ప్రక్కన వున్నకోడి రామమూర్తి వ్యాయామ శాలలో అంతా కసరత్తులు చేయడం చూస్తూ తను కూడా ఆశక్తి కనబరచడంతో అక్కడ వున్న శిక్షకుని ప్రోత్సాహంతో మొదలైన తన ప్రస్థానం మొన్నటి డిల్లీ కామన్ వెల్త్ వేదికపై 56 కేజీల విభాగం నందు కాంస్య పతాక విజేతగా అటు దేశానికి, రాష్ట్రానికి, మా విజయనగరం జిల్లాకు, తన పుట్టినూరుకు కీర్తిని సాధించారు. ప్రస్తుతం పూణేలో ఆర్మీ లో ఉద్యోగం చేస్తూ వారి సహకారంతోనే తానూ ఈ పోటీలలో పాల్గొంటున్నట్లు చెప్పారు. కేంద్రం కొంత సహకారమిస్తున్న రాష్ట్ర ప్రభుత్వం మాత్రం ఏమీ సాయమది౦చడ౦ లేదంటూన్నారు.

ఇలా మారు మూల గ్రామాలలో వున్న క్రీడాకారులు తమ ఆశక్తితో పైకి రావడమే తప్ప మన క్రీడాధికారులు గుర్తించి ప్రోత్సహించడం గగగన కుసుమమమే అవుతోంది. కోట్లాది రూపాయలు మాత్రం జలకడుగుతున్నారు. తాను పేదరికంతో పూలమ్మే పనిలో భాగంగా వచ్చి వ్యాయామ శాలను చూడడం వలన ప్రేరణ పొంది తనంతట తానుగా శ్రమించి పైకి వచ్చిన వల్లూరి వంటి క్రీడాకారులు ఇంకెంతమంది మూలన పడి వున్నారో! రాజకీయ అండదండలు కలిగిన వారు, ధనికుల బిడ్డలకు మాత్రమే జట్ల ఎ౦పికలో అవకాశాలు పొందుతున్నారన్నది జగమెరిగిన సత్యం. సైనిక విభాగం లో వుండడంతో ఈ అవకాశమైనా దక్కింది.

క్రికెట్ వ్యాపారం తప్ప మరేమీ పట్టని మన వారికి అంతర్జాతీయ స్థాయిలో పతకాల కొరత తీర్చి దేశం పరువును నిలబెట్టే ఇలాంటి క్రీడాకారులను ప్రోత్సహించాల్సిన అవసరం వుంది. ఏమైనా మా విజీనగరం శీను అభినందనీయుడు.

తెలుగోణ్ణి గెలుపిద్దాం..



INDIAN IDOL PROGRAMME లో Final కు చేరిన తెలుగు గాయకుడు శ్రీరామ చంద్ర ను గెలిపించుటకు SMS ల ద్వారా సహకరించమని వారి కుటుంబం TV9 లో ఇదే సమయంలో request చేస్తున్నారు. క్రిందటి ఎపిసోడ్ లో శంకర్ మహదేవన్ ముందు breathless song పాడి మెప్పించిన శ్రీరాం ను మనమూ SMS ల ద్వారా గెలిపించడం ద్వారా ఒక ఉత్తరాది వారి సంగీత కార్యక్రమంలో మన తెలుగు వాడిని గెలిపించే అవకాశాన్ని వినియోగించుకొని మన శ్రీరాం ను గెలిపించుటకు అందరికీ విజ్నప్తి చేస్తున్నా.

ఇందుకు మనం చేయాల్సింది SREERAM ఆని Type చేసి 52525 కి SMS చేయడమే. చేస్తారు కదూ..

call 108 – ధన్యవాదాలు తెలుపుదాం


భాగ్య నగరం కర్ఫ్యూ పడగ నీడలో వున్న సమయంలో ఆపదలో వున్నవారికి, గర్భిణీ స్త్రీలకు, గుండెనొప్పి వంటి అత్యవసర కేసులకు ధైర్యంగా సమయానికి వచ్చి వారికి వైద్య సేవలకు తరలించిన 108 సిబ్బందిని తప్పక అందరం అభినందించాలి. నిత్యం అప్రమత్తమై అల్లరిమూకల దాడులకు వెరవక ప్రజలకు అపత్సమయంలో సేవలందించిన 108 సిబ్బందికి ధన్యవాదాలు తెలుపుదాం.

జయ జయహో సచిన్..


  • తన చిరకాల స్వప్నం వన్డేల్లో డబుల్ ను సౌతాఫ్రికా వంటి గట్టి ప్రత్యర్థిపై సాధించిన సచిన్ అభినందనీయుడు.
  • తన డబుల్ ను భారత అభిమానులకు అంకితమిస్తూ తన కెరీర్ లోని ఎత్తు పల్లాలలో తనకు అండగా నిలబడిన అభిమానులకు వినయంగా అంకితమిస్తూ చేసిన ప్రకటన ఆదర్శప్రాయం.
  • తన కెరీర్ లో సాధించిన రికార్డులు ఆకాశమంత ఎత్తు వున్నా తాను గర్వపడని అతని వినమ్రత ఆచరణీయం.
  • తన రికార్డులను తానే అధిగమిస్తూ ఎవరెస్టు శిఖర సమానుడైన సచిన్ కు జయజయధ్వానాలు పలుకుదాం.