విరోధినామం వెళుతూ వెళుతూ
వేలాది మందిని పొట్టనబెట్టుకుంది!
సామాన్యులు, మాన్యులు అన్న తేడా లేకుండా
సాగిన మారణహోమానికి
బరువెక్కిన మనసుతో
ఈ వికృతినెలా ఆహ్వానించను!
రక్తమంటిన ఈ చేతులు నూతన వికృత శిశు
రూపానికి హడలెత్తుతున్న
కల్లోలమైన మనస్సాగరంలో జనించేది
అమృతం కాదని హాలాహాలమేనన్న
భవిష్యత్ చిత్రపటం కనులముందు కదలాడుతుండగా
పచ్చదనాన్ని హరించే వికృత ఘోషలో
ఈ రక్తసిక్త ఉగాదినెలా ఆహ్వానించను!
క్షమించండి ఆత్మీయులారా
మీ మనసు గాయపడితే..
